Eise Betrib



Zanter 2006 hu mir eisen Betrib op Bio ëmgestallt an schaffen zanterhier no den Bio-Normen, wéi se vu Bio-Lëtzebuerg och virgesi sinn.

 

Eise Betrib ass en Aussiedlerhaff, deen a Direktioun Dippech-Holzem läit.

Den Haff läit an enger ganz roueger Géigend, ëmgi vu Weeden, Felder a Bësch.

 

 


Biohaff Witry, Dippech
Biohaff Witry, Dippech



Mir hunn op eisem Haff Mëllechvéih: Mëllechkéi an hier Nozuucht (Ranner a Kaalwer).


D'Mëllech vun eisem Betrib geet un d'Bio-Molkerei vun der BIOG (Bio-Baueren-Genosseschaft Lëtzebuerg) zu Käerjeng wou se da verschafft gëtt (Mëllech, Schokelasmëllech, Joghurt, Rahm a Glace).

D'Berta
D'Berta



Nieft den Déieren hu mir awer och Fruucht: Wees, Huewer, Ierbessen a Bounen, déi haaptsächlech als Fudder fir eis Kéi verschafft ginn.

 

Weidert Fudder fir eis Kéi gëtt a Form vu Kléi a Lupinien ugeplanzt, an da friessen si natiirlech och Gras.

 




 

Elo schonns kënnt Dir bei eis kafen:

  • frësch Bio-Mëllech (direkt vun der Kou)
  • frësch Bio-Eeër (vum Naturhaff vun Déierbesch)

Méi Informatiounen iwwert den Verkaf um Haff fannt Dir ënnert der entspriechender Rubrik.