Eis Hénger


Säit dem Summer 2019, liewen och puer Hénger bäi eis um Haff:

- eng Koppel Seidenhénger: d'Omlette an de Coco

- dräi Amrock-Hénger: d'Plume, d'Plomm an d'Pluma

- zwee Strupp-Hénger: d'Struppi an d'Struwweli

- een Zwerg-Welsumer: d'Tatta Sidonie

- an dann nach den Nowues vum Omlette: d'Bella, d'Ballerina, den Hannibal an den Herkules

 

Déi ganz Band freet sech iwwert de Besuch vun de Gruppen, a besonnesch iwwert déi extra Portioun Mielwiirm, déi et da ginn. 

 

Déi dräi Hunne weisen de Kanner och gären hir kräfteg Stëmm.

 

Si liewe gutt geschützt virun hire Feinden, a kënnen de ganzen Dag picken, schären, raschten, bueden, schaukelen, ...

 

D'Hénger sinn natierlech och mat op der Ferme pédagogique, d'Kanner kënnen hinnen nokucken, se fidderen, probéieren hinnen aus der Hand z'Iessen ze ginn, d'Eeër asammelen, de Stall mëschten an entdecke wéi sou Hénger liewen a wéi aus dem Ee e Jippelche gëtt.